VORTIGERN

"Tum omnes consiliarii una cum....
superbo tyranno Vortigerno caecantur,
adinuenintes tale praesidium,
immo excidium patriae...
ut ferocissimi illi nefandi nominis saxones..."

Ruvina! Autru esse ùn poti...
pè la Britannia...chì rè si fici...
cù lu sangue...ellu, Vortigern, et cusì tirannu...
com' a lu diavule puru si vinnìu...
quandu Roma in more fù...comu tuttu lu munnu...
et lu stissu fici a lu strangeru...
di la so' tarra...comu di lu so' populu...
biotu cusì di cori et disgraziatu...
et pesta fù pè lu so' sèculu...
comu niura...pè cuntenta fà la so' vargogna...
cù una sposa...fici puru un'apustasìa...
et ruvina fù, fughje facendu lu so' populu, in Bretagna...
comu nta Galizia...cusì in largasìa!

Omu d'oghje...li to' figli in cori...cusì sinceru...
chì aghji...pè tuttu lu munnu...tu in cuscienza...
ché elli schjavi fà pudarà forti più lu furasteru...
et comu la to' tarra piglià pudarà la to' scienza!